Home
યોજના-ભરતી
ગુજરાત પોલીસ ભરતી બોર્ડની સત્તાવાર જાહેરાત, 13 એપ્રિલે લેવાશે બિન હથિયારી PSIની લેખિત પરીક્ષા

ગુજરાત પોલીસ ભરતી બોર્ડની સત્તાવાર જાહેરાત, 13 એપ્રિલે લેવાશે બિન હથિયારી PSIની લેખિત પરીક્ષા

07:08 PM March 08, 2025 Gujju News Channel

PSI શારીરિક કસોટી ઉત્તીર્ણ ઉમેદવારોની લેખિત પરીક્ષા 13 એપ્રિલ 2025ના રોજે લેવાશે. પેપર 1 અને પેપર 2ની પરીક્ષા એક જ દિવસે લેવામાં આવશે.

Gujarat Police Sub Inspector Recruitment Written Exam Timetable and Syllabus : ગુજરાત પોલીસ રિક્રુટમેન્ટ બોર્ડ દ્વારા તાજેતરમાં જ PSI ની શારીરિક કસોટીનું પરિણામ જાહેર કરવામાં આવ્યું હતું. જે કસોટી પૂર્ણ થતા બિન હથિયારી પોલીસ સબ ઈન્સ્પેક્ટર સંવર્ગમાં શારીરિક કસોટીમાં ઉતીર્ણ થયેલા ઉમેદવારોની વિગતો જાહેર કરી હતી. ત્યારબાદ હવે ભરતી બોર્ડ દ્વારા લેખિત પરીક્ષાની પણ તારીખ જાહેર કરવામાં આવી છે.

► ગુજરાત પોલીસ રિક્રુટમેન્ટ બોર્ડ દ્વારા કરાઈ જાહેરાત

ગુજરાત પોલીસ રિક્રુટમેન્ટ બોર્ડ દ્વારા 'X' પર માહિતી આપવામાં આવી છે કે, 'બિન હથિયારી પોલીસ સબ ઇન્સ્પેકટર સંવર્ગમાં શારીરિક કસોટીમાં ઉતીર્ણ થયેલ ઉમેદવારોની લેખિત પરીક્ષા આગામી તારીખ 13 એપ્રિલ 2025 (રવિવાર)ના રોજ યોજાશે. પેપર-1 (3 કલાક) અને પેપર-2 (3 કલાક)ની પરીક્ષા એક જ દિવસે લેવામાં આવશે. વધુ વિગતો ભરતી બોર્ડની વેબસાઇટ ઉપર જોઇ લેવી.

► બિન હથિયારી પોલીસ સબ ઇન્સ્પેક્ટરની લેખિત પરીક્ષાની તારીખ અને સમયપત્રક :

• લેખિત પરીક્ષા તા. 13/04/2025 (રવિવાર) ના રોજ યોજાશે.

• પરીક્ષામાં 2 પેપર હશે: પેપર-1 અને પેપર-2.

• દરેક પેપરનો સમયગાળો ૩ કલાકનો રહેશે.

• બંને પેપર એક જ દિવસે લેવામાં આવશે.

પરીક્ષાનું ચોક્કસ સમયપત્રક અને સ્થળ ભરતી બોર્ડ દ્વારા ટૂંક સમયમાં જાહેર કરવામાં આવશે. ઉમેદવારોને સલાહ આપવામાં આવે છે કે તેઓ ગુજરાત પોલીસ ભરતી બોર્ડની સત્તાવાર વેબસાઇટની નિયમિતપણે મુલાકાત લેતા રહે, જેથી પરીક્ષા સંબંધિત તમામ અપડેટ્સ મેળવી શકે. પરીક્ષાના કોલ લેટર અને અન્ય જરૂરી સૂચનાઓ ભરતી બોર્ડની વેબસાઇટ પરથી ડાઉનલોડ કરી શકાશે. પરીક્ષા સંબંધિત કોઈપણ પ્રશ્નો માટે, ઉમેદવારો ભરતી બોર્ડની હેલ્પલાઈન પર સંપર્ક કરી શકે છે.